Ligaya ngomunye uSergeant Nkosi ebuyiselwa esitokisini
USergeant Fannie Nkosi, osolwa emacaleni athinta inkohlakalo nobugebengu obuhleliwe, uzogqunywa esitokisini kuze kube nguMsombuluko, umhla ziyi-13 ku-Ephreli. Lokhu kulandela ukuvela kwakhe kafushane eNkantolo yeMantshi yasePretoria North ngoLwesibili.
UNkosi uboshwe ngoLwesine olwedlule ngemuva kokuba amaphoyisa egasele emzini wakhe osePretoria North. Kuthiwa uchithe impelasonto yonke evalelwe emuva kokuba amaphoyisa ethole ubufakazi obushisayo ngesikhathi kuseshwa kwakhe.
Inkantolo ikwamukele isicelo soMbuso sokuhlehlisa icala ukuze kuqinisekiswe yonke iminingwane ethinta isicelo sakhe sebheyili. Lokhu kunika abashushisi isikhathi esanele sokuhlola ubufakazi obusha obuvele ngesikhathi kugaselwa emzini wakhe.
UNkosi, oyisikhulu esingaphansi kophiko lobugebengu obuhleliwe eGauteng, ungcomunye wabantu abake bethula ubufakazi phambi kweKhomishini kaMadlanga. Okhulumela amaphoyisa kuzwelonke, uBrigadier Athlenda Mathe, uthe ukugasela emzini kaNkosi kuyingxenye yophenyo olukhulu olusaqhubeka. Ngokusho kukaMathe, iziphathimandla ziphume umkhankaso wokuthungatha nokushaqha ubufakazi obungaba wusizo kuleli cala.
Kubikwa ukuthi ngesikhathi kuseshwa emzini kaNkosi, kutholakale inqwaba yezinto ezingekho emthethweni ezihlanganisa izibhamu, izinhlamvu, kanye nebhomu.
Okunye okushaqisayo amadokodo amaphoyisa asuka eziteshini ezahlukene, okungacaci ukuthi abefike kanjani emzini wakhe. Lolu phenyo lusebhekwe ngezinhlozi njengoba luthinta izikhulu zomthetho okumele ngabe yizona eziqapha ukuthotshelwa kwawo.
ukuthi imininingwane eyengeziwe ivele uma esebuyela ebhokisini mhlaka-13 Ephreli.
